كان زمان ...

كان زمان ...
الحبل ف كتفي بيعلِّم
وكتير كنت بتألِّم
وساعات كنت م الألم ...
معرفش أنام
ولاكنت أعرف أمد أيدي وأسلِّم
لكن ولاكننت بتكلِّم
وغصب عني ..
كنت أنام ..

مرت الأيام ..
وأصبح علام الحبل ف كتفي ... وشم
لكن خلاص راح الألم ..
أصل انا الاول كنت أشيل بغشم ..
دلوقتي إتعلمت ...
و بعد سبعين سنة من عمري ...
وأهو ابيض شعرى ..
ولسه بتعلم ...
دلوقتي ...
هههههههههه
الحبل هواللى مني بيتألم

تعرف ...
رغم شعرى الأبيض
محدش أقوى مني ..
صحيح ساعات الشيبة .. بتهزمني ..
وقوتي بقت كتير بتخونِّي ..
لكني ..
لسه .. أنا
صحيح مش زى زمان ..
لكن ع الأقل حاسس بالأمان...
وحاسس بالغنىَ
طول ماالحمل علي ضهرى
ثابت موقعشي
وطوا ماضهرى صامد ماتهزمشي
وطول مانا قادر أشيل وقادر أمشي
وطول مانا جرئ ... ومخافشي
محدش ف الدنيا هايبقيَ .. أغني مني ...
ولاشيئ فيكي يادنيا .. ممكن يهزمني
وانت لما تشوفني .. متزعلشي


ر مضان شحاته

25/9/2012

كان زمان ...
الحبل ف كتفي بيعلِّم
وكتير كنت بتألِّم
وساعات كنت م الألم ...
معرفش أنام
ولاكنت أعرف أمد أيدي وأسلِّم
لكن ولاكننت بتكلِّم
وغصب عني ..
كنت أنام ..

مرت الأيام ..
وأصبح علام الحبل ف كتفي ... وشم
لكن خلاص راح الألم ..
أصل انا الاول كنت أشيل بغشم ..
دلوقتي إتعلمت ...
و بعد سبعين سنة من عمري ...
وأهو ابيض شعرى ..
ولسه بتعلم ...
دلوقتي ...
هههههههههه
الحبل هواللى مني بيتألم

تعرف ...
رغم شعرى الأبيض
محدش أقوى مني ..
صحيح ساعات الشيبة .. بتهزمني ..
وقوتي بقت كتير بتخونِّي ..
لكني ..
لسه .. أنا
صحيح مش زى زمان ..
لكن ع الأقل حاسس بالأمان...
وحاسس بالغنىَ
طول ماالحمل علي ضهرى
ثابت موقعشي
وطوا ماضهرى صامد ماتهزمشي
وطول مانا قادر أشيل وقادر أمشي
وطول مانا جرئ ... ومخافشي
محدش ف الدنيا هايبقيَ .. أغني مني ...
ولاشيئ فيكي يادنيا .. ممكن يهزمني
وانت لما تشوفني .. متزعلشي

ر مضان شحاته
25/9/2012

حاوى ... ودى شغلتي ...

حاوى ...
ودى شغلتي .....
ومتعلمتش غيرها ...
يعني م الآخر ..
دى حرفتي ....
حافظها من أولها .. لآخرها ...
وياما السكاكين ..
علمت فى جتتي ...
وياستار ..

لما كنت اغلط ..
وتمسك النار ...
فى هدمتي ..

وبعد مااخلص نمرتي ...
الف ع الواقفين ...
اطلع بجنهين ..
ارضى ..
ولو مرضتش ..
اعمل ايه ف قسمتي ..؟

بس بزعل اوى ..
لما يجي عندي ..
واحد افندي ..
يقوللي رخصتك ...
اقولله يعني ايه رخصتي ...؟
فقري ياباشا رخصتي ..
العيال فى الدار ..
مستنية رجعتي .. دي رخصتي
مايعترفش بكلمتي ..
يقوم يقول للخلق ..
دا واد يستاهل الحرق ...
خاللى بالكم من جيوبكم ..
دا بن لذينا ..
جاي ومعاه عصابة .. تؤذينا ..
هو يلعب ويلهيكو ...
وعصابته تسرق اللى باقي معاكو
وانا ورب الخلق برئ
ولااعرف للحرام اي طرِئ

وأزعل لما ألاقي الناس .. سكوت
أحس انا بالموت ..
اصرخ باعلي صوت ..
سقفة ...
اللى يحب النبي يسقّف
تاخد الناس الرأفة
وتسقّف ..
تحييني السقفة .. من بعد الموت

بس اعمل ايه ..
أهو انفض الناس .. وسابوني ..
وانا حاوى ..
وفاهم ومتعلم وغاوي ...
مش انا بس ..
لا دا كل اللى جابوني
معرفش غير انى اكون حاوى ..
ولااقدر .. ولاناوى ..
اشوف غيرها شغلانة ....
بحبها .. حتي لو شغلانة خسرانة

وبعدين انا فنان ...
ولايهمني ...
افوت من بين السكاكين.. والنار .. عريان
ولاشيئ منهم يمسني
ولو الناس بطلت تجيني ...
مش هاستسلم ليأسي
هنصب الحلقة بالسكاكين
وهاشعل فيها النار
وهاصرخ زى عوايدي ..
بس المرة دى لنفسي ..
هاصرخ ...ياستار ...
نجيني ... وارضيني
بجنهين وللا تلاتة ...
لأن عمرى ماهالجأ للشحاته ..
حتي لو بطلت الناس ..
تجيني .. وتديني ...
انت يارب قادر .. تراضيني

رمضان شحاته
22/9/2012

اليوم ...

اليوم ...
وبعد غَيْمْ
وقد ظننتُ أبواب الأمل اُغلِقتْ
وشجيرات الود .. اُحْرِقَتْ
وأرضى بالهزيمةِ اُمْطِرَتْ
عادت اليوم شمسي .. فأشرقَتْ

أراشيل ...

أراشيل ...
أيتها الجميلة الرائعة ..
غربت شمسك الساطعة ..
غيلةً وغدراً
ودفعتي حياتك ثمناً ..
لكلمة حق .. فى فلسطين

راشيل ..
لايهمني أي دين تتبعين ..

ولاأين تسكنين ...
يهمني ..
أن عدوى اللعين ...
قتلك غدرا ..
وأنتِ تصرخين ..
تنددين ...
ليلا ونهارا ..
ظهرا وفجراً ..
جهاراً جهاراً
بروح وعزم لايلين
تنددين وانت علي الارض
بسارقي الارض ...
لم تختبئي خلف ألف باب
وتصرخين وتنديين وتشجبين

غدرا سيدتي ..
قتلوكي اللئام ...
أولاد الحرام
وأنت تدافعين عن أبناء عمومتي ..
عن أبناء ديني وجلدتي ...
أبناء فلسطين ..
فسلاما لكِ راشيل

· · المشاركة

رمضان شحاته

http://ar.wikipedia.org/wiki/%D8%B1%D9%8A%D8%AA%D8%B4%D9%8A%D9%84_%D9%83%D9%88%D8%B1%D9%8A

أيا سمائي

أيا سمائي التي أمطرت ...
من بعد جدبْ
ردى لي قلبي ..
فقد سئمتُ العيشَ بلا قلبْ

رمضان شحاته

8/2012

فاكرة ؟

فاكرة ...

ف حفل المدرسة ...

قبل ماتبقي كده آنسة ..

كنتِ ليلي ..

وكنت قيس ..

فاكرة ..

مدرس العربي ..

لما قال ع المسرح كلام .. وبس

ممنوع اللمس ..

فاكرة ..

لما شوفتيني ..

والدموع ف عيني ..

لما بكيتي بجد .. وحضنتيني ..

فاكرة ..

لما بابا صرخ فيكي ..

ايه دا يابنت .. ؟

أد ايه اترعبتي .. واترعبت ..

فاكرة ..

لما قلتلك متخافيش ..

خالليكي ع المسرح .. ماتنزليش ..

طيب .. فاكرة ..

إن دى آخر مرة لمستك فيها ...

آخر مرة أقابلك فيها ..

كبرتي قدام عيني ..

ومحرومة منك عيني ..

والحب الصغيّر .. كِبِر

وصار لقانا حلم ..

أو ذنب .. لايغتفر

كبرنا .. أوى ..

وكبر حبنا أوى ..

وعرفنا يعني ايه ..

معني قلوب تحب وتنكوي

وفاكرة ..

لما شفتك ..

وانت معاه

وايديكي ف ادِيه ..

الموت سكن ساعتها قلبي

والفرحة سكنت عنِيه

لكن كنتِ هايلة

وف منتهي الروعة

لما لمعت ف عنيكي نفس النظرة ..

ونزلت من عينكي .. نفس الدمعة

لما كنا صغار ع المسرح

لما كنت قيس ...وكنتِ ليلي

فاكرة لما قلتي لأختي ..

لو فِضل كده هموت م الحسرة

لو ماشفتلوش ابن ... هموت م الحسرة

فاكرة .. لما بعتيلي .. تحلفيني

ممشيش كده بنفسي المنكسرة

فاكرة بعد سنين ..

وف نفس المدرسة ...

وبنفس الحنين

وانت واقفه بعيد ...

ونفسي آجيكي

ونفسك تجيني .. تسلمي بالايد

وشعراية بيضا ...

زى نجماية ف عز الليل وحيدة ..

بتقول ...

راح الشباب ووليَ ..

ياترى شايفاها وللاّ ..

وحدي اللى كنت شايفها ..

جايز لاني مهتم بكل شيئ فيكي

وبقلق كتير عليكي

وحافظ سنينك وعارفها

وعاددها باليوم ...

جايز لان صورتك ملازماني ..

زى وشم ف عيوني

فى الصحيان .. والنوم

.....

وآدا العمر ف آخر مراحله

ومن بعدك ...

لازار قلبي حبيب ..

ولاراحله

ولاحب انسان غيرك ..

ولاارتاحله ..

دلوقتي ..

كبرتْ أوى وكبرتي

وحفيدك أهو بيلاعب حفيدتي ..

مايعرفوش ايه مكتوب لهم

تفتكرى ..

هايكون حظهم ..

احسن من حظى انا وانتِ ؟؟

 

رمضان شحاته

8/2012

ولاكأن بيناّ شيئ أنكسر

وتمر السنين

من وانت طفلة وانا معاكي
كبرتي ... وانا بتمناكي
وتمر السنين ومزهقتش
و بستناكي
وبقيتي لغيرى
وحرموا عليّا هواكي

وآدا العمر ف آخر مراحله
ومن بعدك ...

لازار قلبي حبيب ..
ولاراحله
ولاحب انسان غيرك ..
ولاارتاحله ..
دلوقتي ..
كبرتْ أوى وكبرتي
وحفيدك أهو بيلاعب حفيدتي ..
تفتكرى ..
هايكون حظهم .. 

احسن من حظى انا وانتِ ؟؟

 

 

رمضان شحاته

8/2012

نفسي ف شوية تراب من بلدي

انحني ضهرى ..
وراح شبابي ..
واشتقت أوي ..
لعتبة بابي ..
امانة عليك ياولدى
لما أموت ..
يكون قبري هناك ف بلدي
ولو منعوك ولاد الكلب ...
وخذلوك اعمامك .. اللى ماليهم قلب
خلاص ايه العمل ..
أنا عمرى ماتحققلي أمل
خلاص .. ادفني هنا ..
واخد من زمان ع الضنا ...
بس تاني ..
أمانة عليك ..
ربنا يخلليك ..
احلفك ياولدي ..
لما تدفني ...
غطيني ..
بشوية تراب ... من بلدي


نفسي ف شوية تراب من بلدي





رمضان شحاته

8/2012

ازاى أطمع ..

ازاى أطمع ..
أنك تشوف ضيـــيِّ وتحسُّـه
وأنت حتــي ...
نور الشمس ..مش شايفُه ؟!!

رمضان شحاته
8/2012

أخدِت دموعي ودموعها

رضِيت اكون نار لشموعها
وبكِيت أوى لوجعها
أخدِت دموعي ودموعها
عملِت منهم عُقد لولي
وبدل ما تهدهولي ..
أهديته .. للي باعها

رمضان شحاته

8/2012

أعلم أنها تبكي ....

                                                                    

قرأت قصيدتي ...
قرأت حزني ..
قرأت عتابي ..
أعلم أنها تبكي ....
علقت هكذا ههههههههههه
ورحلت

                     رمضان شحاته

                        8/2012 

أيا أيها الباكي

أيا أيها الباكي ....
ماأدمعك .. ؟
أتبكي علي فلذات كبدك
أم لانك تصرخ ....
ولااحد يسمعك ؟


أيا أيها الباكي وقلبه يحترق
أحرق الله قلب من أدمعك
..
أيا أيها الباكي ..
وقد جف مدمعك ..
أنت وربك ..
فلن تجد غيره يسمعك

                                                                     رمضان شحاته
                                                                    8/2012                     

لو تسكنيه

لايخلو مكان من غيثٍ ...
وأنتِ فيه
فان كان صحراء صار جنة ...
لو تسكنيه

رمضان شحاته

8/2012