عيشة بسيطة وهنية ...
لافيها أسي .. ولاأسية
ناس حافية
و راضية ..ومرضية
طب شوف شكل المية ..
لكن بيشربوا ..
وصحتهم حلوة .. وعفية ..
..
الجرة علي راسها ومليانة ..
ولاتتعب .. ولا تنهج ..
ولاتقول آه يانا ..
ست صلبة طولها وقوية ..
ودا سقا ..
راجل طيب ومسالم ..
راح يودي مية .. للهانم ..
اللى البحيرة دى متعرفهاش ..
وحتي الشمس ماتشوفهاش ..
دنيا طبقات .. وسلالم ..
وكلهم ..
كانوا ناس حلوين
وكانوا عايشين ..
ببساطة ..
وراضيين ..
لايعرفوا يهتفوا ف مظاهرة ..
ولايهمهم مين فرعون ..
ومين السحَرة
ولاكانوا عرفوا يسقط حكم العسكر ..
ولا كان عندهم حرامية ..
ولاشيخ منصر ..
ولاوجعوا دماغهم بقضية ...
مين ليبرالي .. مين علماني
ومين إخوان ..
ناس طيبة ...
كانوا عايشين ف مصر زمان
