أهى مرَّة

أهى مرَّة
تجربة وكانت مُرة
حسبت قربك مسرَّة
معرفش انه اكبر مضرَّة
أهى مرَّة
... صدقت فيها دمعك
وحسبت الوَفا طبعك
أتارى الوفا عندك جفا
والغدر ف شرعك
زى الصفا
واللى شاريكي زى اللى بايعك
هى دى للأسف طبايعك
وعلي فكره
هاييجي بكره
وبعد بكره
وبعد بعده
والأصيل محافظ علي وعده
حتى لو بقي ذكرى
وعلي فكره
هتعرفى كتير أوى
وياريت تعرفى أكتر
علشان لما تنكوى
تفتكري اللى عمره مافكر
يغدر بيكي ولا مرة
وأهى مرَّة
تجربة ... وكانت مرَّة

رمضان شحاته

19/3/2012