العروسة اللعبة ..
بتبكي بدموع بلون الدم
وبتشكي ..
م اللي معندهوش لادين ولادم
العروسة اللعبة ..
لابتعرف تحكي ..
ولاتشتم
ولاتذِم
لكن م الرعب صرخت
قالت للطفلة المرعوبة زيها ..
اُحضنيني واكبرى ..
وكوني قبل الأوان أم
واتعلمي تتحسري ..
وتصبري
وتشيلي الهم
العروسة اللعبة .. قالت لها ..
ملعون ابو اللى خلاكي زيي
لاأب ولا أم ولا خال ولا عم
العروسة اللعبة شكرت ربها ..
وقالت لها ..
الحمد لله اني مش زيك إنسان
كان من زمان
قتلني الغم
أعجبني · · إيقاف الإشعارات · الترويج · مشاركة
ليست هناك تعليقات:
إرسال تعليق